ღაზაში საომარი მოქმედებების განახლების პარალელურად ახლო აღმოსავლეთის ყველაზე ცხელ წერტილში ჰუმანიტარული კრიზისი კიდევ უფრო მწვავდება.
პალესტინელები სასოწარკვეთილ მდგომარეობაში არიან, რადგან საკვებსა და მედიკამენტებზე წვდომა ყოველდღიურად რთულდება. მშვიდობიანი მოსახლეობისთვის თავშესაფრებში ყოფნაც აღარ არის უსაფრთხო, რადგან ისრაელელი ჯარისკაცები ებრძვიან ყველას, ვისაც რაიმე კავშირი აქვს ,,ჰამასთან“.
ხალხს ქუჩაში სძინავს. ჰუმანიტარული კრიზისის გამწვავების გამო ათასობით ადამიანს ღაზის საზღვრამდე მისვლა უწევს.
ჯანდაცვის მსოფლიო ორგანიზაციის ცნობით, ღაზის მოსახლეობის 14%-ისთვის მკურნალობა ხელმისაწვდომი არ არის. დიაბეტიკები და სხვა ქრონიკული დაავადებების მქონე პირები ურთულეს მდგომარეობაში არიან.
Today @WHO delivered trauma and emergency care supplies to European Gaza Hospital and Nasser Medical Complex in southern #Gaza to cover the needs of 4500 patients. So much more is needed.
The very intense fighting is making it increasingly difficult to run any health… pic.twitter.com/HxeohVVZuG
— Tedros Adhanom Ghebreyesus (@DrTedros) December 7, 2023
ღაზაში მცხოვრები ადგილობრივების თქმით, საკვების შეძენა მაღალი ფასების გამო, ფაქტობრივად, შეუძლებელია. მაგალითად, შავ ბაზარზე 1კგ შაქრის ღირებულება 10$-ია, ტომარა ფქვილისა კი 110$.
ზამთარი დადგა და პალესტინელები ხეებს ჭრიან, რადგან ამ ეტაპზე ეს გათბობის ერთადერთი საშუალებაა
ღაზის ჯანდაცვის სამინისტროს ცნობით, დაღუპულია 17 000-ზე მეტი პალესტინელი, რომელთაგან 70% ქალი და ბავშვია, დაჭრილთა რაოდენობა კი დაახლოებით 46,000 -ია.
ამ დროისთვის დაახლოებით 138 მძევალია ღაზაში
როგორც ცნობილია, 105 მძევალი ნოემბრის ბოლოს ცეცხლის დროებითი შეწყვეტის შეთანხმების ფარგლებში გაათავისუფლეს.
