საქართველოში მარილის მოხმარება რეკომენდებულ 5 გრამზე 1,7-ჯერ მეტია და თითქმის 2-ჯერ მაღალია კაცებში, რომლებიც გულ-სისხლძარღვთა დაავადებების მაღალი რისკის ქვეშ იმყოფებიან – ჯანმრთელობის მსოფლიოს ორგანიზაციის საქართველოს ოფისმა დაავადებათა კონტროლის ეროვნულ ცენტრთან ერთად მარილის შემცირების ათდღიანი კამპანია დაიწყო.
რამდენად საშიშია მარილის ჭარბი მოხმარება და რა რეკომენდაციები უნდა გავითვალისწინოთ ყოველდღიურად იმისთვის, რომ ამ პროდუქტის მოხმარება მინიმუმამდე შევამციროთ – ამ თემაზე “ევრონიუს ჯორჯიას” ეთერში ჯანმრთელობის მსოფლიო ორგანიზაციის საქართველოს ოფისის წარმომადგენელმა, კახა ღვინიანიძემ ისაუბრა.