გუშინ ჩრდილოეთ გერმანიაში სროლის შედეგად დაიჭრა და დაიღუპა რამდენიმე ადამიანი. პოლიციაში მომხდარ ფაქტთან დაკავშირებით შეტყობინება საღამოს ათის თხუთმეტ წუთზე შევიდა.
ინციდენტი ჰამბურგში, იეჰოვას მოწმეთა შეკრებაზე მოხდა. ჰამბურგის პოლიციის სპიკერი ჰოლგერ ვერენი ამბობს, რომ პოლიციელებს, რომლებიც ადგილზე მივიდნენ, რამდენიმე გარდაცვლილი და მძიმედ დაჭრილი ადამიანი დახვდათ. შემდეგ ზედა სართულიდან სროლის ხმა გაიგეს, იქაც ერთი დაღუპული იყო.
პოლიციაში აცხადებენ, რომ მათ არ გამოუყენებიათ ცეცხლსასროლი იარაღი. პოლიციელებს არ ჰქონდათ დაზუსტებული ინფორმაცია, იყო თუ არა თავად თავდამსხმელი გარდაცვლილთა შორის. არც იმის მინიშნება არსებობდა, რომ შემთხვევის ადგილიდან ვინმე გაქცეულიყო. ინციდენტი გროს ბორსტელის რაიონში გერმანიის სიდიდით მეორე ქალაქიდან რამდენიმე კილომეტრში მოხდა.
