საქართველოს პრემიერ-მინისტრი ირაკლი ღარიბაშვილი თურქეთის რესპუბლიკის პრეზიდენთან რეჯეფ თაიფ ერდოღანთან შეხვედრას სოციალურ ქსელ ტვიტერში ეხმაურება.
პრემიერ-მინისტრი აღნიშნავს, რომ რეჯეფ თაიფ ერდოღანს, თურქეთის რესპუბლიკისა და თურქი ხალხისადმი საქართველოს სოლიდარობა და ძლიერი მხარდაჭერა დაუდასტურა.
პრემიერ-მინისტრის თქმით, საქართველო მზად არის შემდგომი დახმარების უზრუნველსაყოფად.
“დღეს შევხვდი თურქეთის რესპუბლიკის პრეზიდენტს რეჯეფ თაიფ ერდოღანს და ამ მძიმე დროს დავუდასტურე საქართველოს სოლიდარობა და ძლიერი მხარდაჭერა თურქეთის რესპუბლიკისა და თურქი ხალხისადმი.
საქართველო მზად არის შემდგომი დახმარების უზრუნველსაყოფად.
ვრჩებით ქართულ-თურქული სტრატეგიული პარტნიორობის ერთგულნი, ყველა იმ სარგებლის გათვალისწინებით, რაც ამ პარტნიორობას მოაქვს ჩვენი ქვეყნებისა და რეგიონისთვის”, – წერს ტვიტერზე პრემიერ-მინისტრი.
