“სოლიდარობის ქსელის“ პროფკავშირების სანიტრები საქართველოს ჯანდაცვის მინისტრს ხელფასის გაზრდის მოთხოვნით მიმართავენ.
ისინი ამბობენ, რომ სანიტრების შემთხვევაში არ არის განსაზღვრული მინიმალური ხელფასი და ისინი ყოველთვიურ ანაზღაურებას დაახლოებით 100-დან 200-ლარამდე იღებენ. მათი თქმით, ამ ანაზღაურებით დღეს ცხოვრება შეუძლებელია.
ჯანდაცვის მინისტრს ასევე მიმართავენ „სოლიდარობის ქსელის“ პროფკავშირების ექთნები, რომლებიც ამბობენ, რომ კლინიკები ექთნებისთვის დაწესებული მინიმალური ხელფასის გადახდასაც თავს არიდებენ.