აშშ-ში ორი ახალგაზრდა გოგონას მშობლები, რომელთა გარდაცვალების მიზეზი სავარაუდოდ იყო TIK TOK-ის გამოწვევა, პლატფორმას სასამართლოში უჩივიან.
8 და 9 წლის ბავშვების მშობლები აცხადებენ, რომ მათი შვილების გარდაცვალების მიზეზი TIK TOK-ის სახიფათო გამოწვევა – ე.წ. ჩელენჯი გახდა, რომელსაც „გათიშვის გამოწვევა“ ეწოდება.
ამ გამოწვევის დროს მომხმარებლებს მოუწოდებენ, არ ისუნთქონ, ვიდრე გული არ წაუვათ.
სოციალური ქსელის მსხვერპლთა იურიდიული ცენტრის სახელით შეტანილი საჩივრის მიხედვით, TIK TOK-ის ალგორითმმა „მიზანმიმართულად და არა ერთხელ“ გამოაქვეყნდა ვიდეო მოწოდებებით. „ტიკტოკმა უნდა აიღოს პასუხისმგებლობა მომაკვდინებელი კონტენტის გავრცელების გამო, რომელმაც ორი გოგონა შეიწირა”,- აღნიშნავენ იურიდიულ ცენტრში.
სარჩელში ჩამოთვლილია რიგი საკითხები, მათ შორის ის, რომ TIK TOK-ის ალგორითმი წინ წევს დამაზიანებელ კონტენტს, უფლებას აძლევს არასრულწლოვნებს გამოიყენონ აპლიკაცია, არ აფრთხილებს მომხმარებლებს ან მათ მეურვეებს სახიფათო გამოწვევის შესახებ და ამასთან იწვევს პლატფორმის მიმართ დამოკიდებულებას.
სარჩელთან დაკავშირებით TIK TOK-ის ადმინისტრაციას კომენტარი ჯერჯერობით არ გაუკეთებია.
