მთავარი საქართველო მეხსიერების პოლიტიკა პოსტტოტალიტარულ სივრცეებში - გაკვეთილები გააზრებისთვის

მეხსიერების პოლიტიკა პოსტტოტალიტარულ სივრცეებში – გაკვეთილები გააზრებისთვის

საბჭოთა წარსულის კვლევის ლაბორატორიამ თბილისის თავისუფალ უნივერსიტეტთან თანამშრომლობით სამეცნიერო კონფერენცია ჩაატარა სახელწოდებით “მეხსიერების პოლიტიკა პოსტტოტალიტარულ სივრცეებში – გაკვეთილები გააზრებისთვის“.

“საბჭოთა კავშირის დაშლიდან 30 წლისთავზე, რუსეთის ღია აგრესიამ უკრაინის წინააღმდეგ, კვლავ შეახსენა სამყაროს ტოტალიტარიზმის საფრთხის შესახებ და ახლა საქართველოსა და ზოგადად, პოსტსაბჭოთა ქვეყნების გამოცდილება კიდევ უფრო აქტუალური გახდა”, – აღნიშნეს კონფერენციის მომხსენებლებმა.

მათივე თქმით, უკრაინის წინააღმდეგ დაგეგმილი აგრესიის მოსამზადებელ საინფორმაციო ფაზაში, რუსეთის მმართველი რეჟიმი სწორედ მეოცე საუკუნის ისტორიით მანიპულაციის მეთოდს იყენებდა, ერთ-ერთ მთავარ ინსტრუმენტად.

კონფერენციის მომხსენებლები ამბობენ, რომ სწორედ ამიტომ მნიშვნელოვანია, პოსტსაბჭოთა სივრცეში მეხსიერების პოლიტიკა.

პროექტი ნორვეგიის სამეფოს საგარეო საქმეთა სამინისტროს ფინანსური მხარდაჭერით ხორციელდება.

ნინი დვალიშვილი

 

უახლესი

სხვა ამბები

Send this to a friend