რაჯი ისმაილოვი საგარეჯოს ერთ-ერთი კლინიკის რეანიმაციის ექიმია.
ამბობს, რომ კორონავირუსის ოთხი ტალღის შემდეგ მედპერსონალი ძალიან გადაიღალა, მით უმეტეს მაშინ, როცა მეოთხე ტალღა საქართველოში ყველაზე ძლიერი იყო.
ხშირად ინტენსიური თერაპიის განყოფილებებში რამდენიმე პაციენტის მდგომარეობა მოულოდნელად, ერთდროულად მძიმდებოდა და ექიმებსა თუ ექთნებს კიდევ უფრო სტრესულ გარემოში უწევდათ თითოეული მათგანის გადარჩენისთვის ბრძოლა.