გერმანიაში ლგბტ თემის წარმომადგენლებმა მრავალათასიანი მარში გამართეს.
პანდემიის დაწყების შემდეგ უმცირესობების წარმომადგენლებმა პირველად მოახერხეს ერთობლივი აღლუმის ჩატარება.
“კრისტოფერ სტრიტის” მოძრაობამ 135 ათასი ადამიანი გააერთიანა, რომლებმაც მხარდაჭერა გამოუცხადეს ლგბტ თემის წარმომადგენლებს სხვადასხვა ქვეყანაში.
აღლუმის მონაწილეები უსაფრთხოების ნორმების გათვალისწინებით გადაადგილდებოდნენ.
მათ პირბადეები ეკეთათ და სოციალურ დისტანციას იცავდნენ.