საქართველოს პარლამენტმა ცენტრალური საარჩევნო კომისიის თავმჯდომარე ვერ აირჩია. დასახელებული ორი კანდიდატიდან ხმების საჭირო რაოდენობა- 100 ხმა- ვერც გიორგი კალანდარიშვილმა და ვერც გიორგი სანტურიანმა დააგროვა.
საარჩევნო კოდექსის მიხედვით, თუ ცენტრალური საარჩევნო კომისიის თავმჯდომარე 2 მცდელობის მიუხედავად ვერ აირჩიეს, საჭირო ხმების რაოდენობა შემცირდება და 90 ადამიანის ხმაც საკმარისი იქნება.
თუ კონსენსუსის მიღწევა მაინც ვერ მოხერხდა, ამ შემთხვევაში პარლამენტმა შეიძლება გადაწყვეტილება 76 ხმით მიიღოს.
