ევროპის ქვეყნებში აცრილი მოქალაქეების რაოდენობის ზრდის პარალელურად, ჯანდაცვის მსოფლიო ორგანიზაციის ევროპის რეგიონული დირექტორი ჰანს კლუგე საზოგადოებას სიფრთხილისკენ მოუწოდებს.
მისი თქმით, ევროპის წამლის სააგენტოს მიერ დამტკიცებული ვაქცინები ეფექტიანად ებრძვის კოვიდ-19-ის ახალ შტამებს, თუმცა აუცილებელია ყველა ქვეყნაში იყოს დაცული უსაფრთხოების ზომები.
გაუმჯობესებული ეპიდემიოლოგიური ვითარების ფონზე ინგლისში, ესპანეთსა და იტალიაში ტურიზმი ნელ-ნელა კვლავ ძალებს იკრეფს.
,,კოვიდ-19-ის ყველა სახეობის კონტროლი არის შესაძლებელი. ყველა ის ვაქცინა, რომლებიც დამტკიცებულია ევროპის წამლის სააგენტოს მიერ, რეაგირებს კოვიდ-19-ის ყველა შტამზე. ჩვენ უნდა გავაგრძელოთ უსაფრთხოების ზომების დაცვა და თავი ავარიდოთ საერთაშორისო მოგზაურობას. ვაქცინები შესაძლოა არის გვირაბის ბოლოს სინათლე, თუმცა ამ სინათლემ არ უნდა დაგვაბრმაოს“,- აცხადებს ჯანდაცვის მსოფლიო ორგანიზაციის ევროპის რეგიონული დირექტორი ჰანს კლუგე.
