რეიდების სერიის შემდეგ ბელარუსში დამოუკიდებელი საინფორმაციო სააგენტო TUT.BY-ს ვებსაიტი დაბლოკეს.
სააგენტოს რედაქტორი მარინა ზოლოტოვას განცხადებით, სახელმწიფო სამსახურებმა ოფისის გარდა მისი და სხვა ჟურნალისტების სახლებიც გაჩხრიკეს.
ბელარუსის რესპუბლიკის ინფორმაციის სამინისტროს განცხადებაში ვკითხულობთ, რომ მათ ვებსაიტი გენერალური პროკურატურის მოთხოვნის საფუძველზე დაბლოკეს.
„გენერალური პროკურატურამ დაადგინა კანონის დარღვევის მრავალი ფაქტი, რომელიც უკავშირდება TUT.BY-ს ვებსაიტზე გავრცელებულ პუბლიკაციებში აკრძალული ინფორმაციის გამოქვეყნებას“, — ვკითხულობთ განცხადებაში.
[br]ვებსაიტ TUT.BY-ს დღეში 20 მილიონი ადამიანი სტუმრობდა, სააგენტო დეტალურად აშუქებდა ბელარუსში 2020 წლის საპრეზიდენტო არჩევნების შემდეგ დაწყებულ აქციებს.
„დღეს ჩვენ დამოუკიდებელი მედიის, TUT.BY-ს გამიზნული განადგურების მომსწრენი ვართ“, — წერს ბელარუსი ოპოზიციონერი სვეტლანა ციხანოვსკაია.
I call on the international community to immediately react to the regime's crackdown against independent media in Belarus. This is a planned attack on our journalists & media, and they need legal protection & emergency relocation. It is crucial to help media continue their work. pic.twitter.com/9jZTjdvmi0
— Sviatlana Tsikhanouskaya (@Tsihanouskaya) May 18, 2021
