საქართველოს პარლამენტის მუდმივმოქმედი დელეგაცია 19 აპრილიდან 22 აპრილის ჩათვლით ევროპის საბჭოს საპარლამენტო ასამბლეის საგაზაფხულო სესიაში მონაწილეობს.
სესიაზე მსჯელობის მთავარი თემა გლობალური პანდემია და კოვიდ 19-ის ვაქცინაციის დამადასტურებელი სერტიფიკატების საკითხია.
სასესიო და საკომიტეტო სამუშაოების პარალელურად, დაგეგმილია საქართველოს პარლამენტის წევრების შეხვედრა ევროპის საბჭოს ადგილობრივ და რეგიონულ ხელისუფლებათა კონგრესის გენერალურ მდივანთან, ანდრეას კიფერთან.
