ევროპის საბჭოს პრეზიდენტის სპეციალური წარმომადგენელი, მედიატორი კრისტიან დანიელსონი პრემიერ-მინისტრ ირაკლი ღარიბაშვილს ხვდება. შეხვედრა მთავრობის ადმინსტრაციაში 09:00 საათზე დაიწყო.
პრემიერთან აუდიენციის დასრულების შემდეგ დანიელსონი უკვე ათონელის რეზიდენციაში გადაინაცვლებს, სადაც პრეზიდენტ სალომე ზურაბიშვილთან გამართავს აუდიენციას.
კრისტიან დანიელსონი მოგვიანებით შეხვედრებს გამართავს ოპოზიციისა და ხელისუფლების წარმომადგენლებთან.
კრისტიან დანიელსონი კვირას, 28 მარტს უკვე შეხვდა არასამთავრობო სექტორის წარმომადგენლებს და კრიზისის დაძლევის გზებზე მათი პოზიცია მოისმინა. შეხვედრას საქართველოში ევროკავშირის ელჩი, კარლ ჰარცელი და აშშ-ის ელჩი, კელი დგენანი ესწრებოდნენ.