კოლორადოში სუპერმარკეტში მომხდარ სროლას 10 ადამიანი ემსხვერპლა, მათ შორის პოლიციის ოფიცერი, რომელიც შემთხვევის ადგილზე პირველი მივიდა. ბოულდერის პოლიციის უფროსმა მარის ჰეროლდმა პრესკონფერენციაზე განაცხადა, რომ ეჭვმიტანილი დაკავებულია, თუმცა მისი სახელი და დამატებითი ინფორმაცია ჯერ არ გასაჯაროებულა. მისი თქმით, საზოგადოებას საფრთხე აღარ ემუქრება.
ამერიკული მედიასაშუალებების ინფორმაციით, ამერიკის შეერთებულ შტატებში წელს ეს უკვე მეშვიდე თავდასხმა იყო. ბოლოს, 16 მარტს ატლანტაში მომხდარი სროლის შედეგად 8 ადამიანი გარდაიცვალა.
