სასწავლო პროცესის კვლავ სკოლაში გადატანის მოთხოვნით მშობელთა საინიციატივო ჯგუფმა 24 იანვარს „მზიურის“ პარკში აქცია გამართა.
აქციის მონაწილეთა განცახდებით, მოსწავლეთა ინტერესები პანდემიის მენჯმენტის არცერთ ეტაპზე არ იყო გათვალისწინებული, ამიტომ მშობლები იძულებეული გახდნენ, საკუთარი შვილების ინტერესები აქციის მეშვეობით დაეცვათ.
აქციის მონაწილეებმა მთავრობას სასწავლო პროცესის განახლების მკაფიო გეგმის წარმოდგენაც მოთხოვეს.
„არცერთ ნორმალურ ქვეყანაში არ ყოფილა საგანმანათლებლო დაწესებულებების სამსემესტრიანი სრული დახურვა. გვსურს გავიგოთ, რამდენად მომზადებული ხვდება სასწავლო დაწესებულებები პანდემიის პირობებში სწავლის დაწყებას, როდის მოხდება ეს და რა ეშველებათ იმ ბავშვებს, რომლებიც ამდენი ხმის მანძილზე ონლაინსწავლების მიღმა იყვნენ დარჩენილები”, – განმარტა აქციის ერთ-ერთმა ორგანიზატორმა ნინო რობაქიძემ.
ფოტოგრაფი: ირაკლი შალამბერიძე
