ევროკავშირის მედიკამენტების ზედამხედველობის სააგენტოზე კიბერშეტევა გახორციელდა. როგორც სააგენტოს წარმომადგენელბი აცხადებენ, ჰაკერებმა კორონავირუსის ვაქცინასთან დაკავშირებულ გარკვეულ დოკუმენტებზე მოიპოვეს წვდომა.
ევროპის მედიკამენტების სააგენტო ამჟამად ორი სხვადასხვა ვაქცინის, კომპანია Pfizer-ისა და კომპანია Moderna-ს მიერ შემუშავებული ვაქცინების, განხილვისა და დამტკიცების პროცესშია. ეს პროცესი, დაახლოებით, ორ კვირაში უნდა დასრულდეს. შეტევისას მოპოვებლი დოკუმენტები Pfizer-ისა და BioNTech-ის ვაქცინას ეხება, რომლის გამოყენებაც გასულ კვირას გაერთიანებულმა სამეფომ უკვე დაიწყო.
სააგენტოს კიბერშეტევის დეტალებზე არ უსაუბრია, თუმცა განაცხადეს, რომ თანამშრომლობენ პოლიციასთან და დაწყებულია სრულმასშტაბიანი გამოძიება.
ამ საკითხს გამოეხმაურა კომპანია BioNTech-იც. კომპანიის წარმოამდგენელთა განცხადებით, შეტევას BioNTech-ისა და Pfizer-ის სისტემებზე გავლენა არ მოუხდენია.
“ევროპის მედიკამენტების სააგენტო გვარწმუნებს, რომ კიბერშეტევას განხილვის პროცესის ვადებზე გავლენა არ ექნება”, — ნათქვამია განცხადებაში.
ევროკავშირის კანონების მიხედვით, რომელიმე წევრ ქვეყანაში ნებისმიერი ახალი ვაქცინის გამოყენებაზე ნებართვა ევროპის მედიკამენტების სააგენტომ უნდა გასცეს.
