თურქეთის დასავლეთ სანაპიროსა და საბერძნეთის კუნძულ სამოსს შორის 6,6-მაგნიტუდის სიმძლავრის მიწისძვრა მოხდა. თურქეთის ჯანდაცვის მინისტრი ფაჰრეტინ კოჯა ტვიტერზე წერს, რომ იზმირში თურქეთის 4 მოქალაქე დაიღუპა.
თურქეთის კატასტროფისა და საგანგებო მდგომარეობის მართვის სააგენტოს მიხედვით, დაშავებულია 152 ადამიანი. სოციალურ ქსელებში გავრცელებულ ვიდეოებში ჩანს იზმირში ადგილობრივი მოსახლეობის მიერ გადაღებული დატბორილი ქუჩები.
Izmir seferihisar da yasanan depremden sonra deniz taştı. Ust katlarda mahsur kaldik. Cok fazla zarar var. pic.twitter.com/TFhkjjKFGa
— zebercet (@beril_d) October 30, 2020
თურქული მედიის ცნობით, მიწისძვრა ეგეოსისა და მარმარილოს ზღვის რეგიონშიც იგრძნობოდა, სადაც ქალაქი სტამბოლი მდებარეობს. სტამბოლის მერის განცხადებით, ზარალის შესახებ ინფორმაცია არ ვრცელდება. ბიძგები საბერძნეთის დედაქალაქ ათენსა და აღმოსავლეთ კუნძულებზეც იგრძნობოდა.
“თანავუგრძნობ საბერძნეთსა და თურქეთს. ჩვენ ვაკვირდებით სიტუაციას და მზად ვართ, ყოველმხრივ დავეხმაროთ”, — წერს ტვიტერზე ევროკომისიის პრეზიდენტი ურსულა ფონ დერ ლაიენი.
My thoughts are with Greece and Turkey.
We are following the situation and we stand ready to help, in all possible ways. https://t.co/aQlxLGxUf8
— Ursula von der Leyen (@vonderleyen) October 30, 2020
